ફ્લેટમાં ચાલતા ગરબા દરમિયાન જાહેરમાં જ યુવકે યુવતીની છેડતી કરી હોવાનો કિસ્સો પ્રકાશમાં આવ્યો છે. પોલીસે જણાવ્યું કે બાપુનગરમાં એક ફ્લેટમાં ગરબા ચાલતા હતા ત્યારે ફ્લેટમાં જ રહેતી યુવતી સીડી ઉતરીને નીચે આવતી હતી. ત્યારે ત્યાં એક યુવકે જાહેરમાં જ યુવતીની છાતીમાં હાથ નાખી દીધો હતો. ગભરાઈ ગયેલી યુવતીએ બૂમાબૂમ કરતા લોકો ભેગા થઈ ગયા હતા. જેને પગલે યુવક ત્યાંથી ભાગી ગયો હતો. ત્યારે યુવતીએ ફરિયાદ નોંધાવતા બાપુનગર પોલીસે તપાસ હાથ ધરી છે.
બાપુનગરમાં આવેલ રઘુનાથ સ્કૂલ પાસેના એક ફ્લેટમાં બે દિવસ પહેલા રાત્રે ગરબા ચાલતા હતા. ત્યારે ફ્લેટની એક યુવતી નીચે ઉતરતી હતી ત્યાં સામે એક યુવક કે જે ફ્લેટમાં જ રહેતો હતો તે મળી ગયો હતો. યુવતીને જોઈને આ વિકૃત યુવકે યુવતીની છાતીમાં હાથ નાખી દીધો હતો. ગભરાઈ ગયેલી યુવતીએ બૂમાબૂમ કરતા યુવકે એસિડ છાંટીને મારી નાંખીશ તેવી ધમકી આપી અને ત્યાંથી ભાગી ગયો હતો. લોકોએ પોલીસને જાણ કરતા બાપુનગર પોલીસે ફરિયાદ નોંધી તપાસ હાથ ધરી છે.
0 Komentar